مش عارفة اروح فين انا خريجة تجارة وبشتغل بالمحاسبة اللى انا بكرها وقررت اتركها بس مش ابدا كارير؟

Kamal Sedra
Kamal Sedra
سؤال محيرني
1.6K
3
“سؤال محيرنى ” السلام عليكم اتمنى المساعدة لانى فعلا حيرانة وتايهة ومش عارفة اقرر مستقبلى بالرغم انى 27 سنة للاسف ومش عارفة اروح فين انا خريجة تجارة وبشتغل بالمحاسبة اللى انا بكرها وقررت اتركها بس مش ابدا كارير من دون خبرة انا بحب جدا التصميم الداخلى والديكور وبنفس الوقت بحاول ادور على فرصة بمجال HR مش عارفة لان المجال انتشر الفترة دى وانه انا عاوزة اشتغل بس واجيب فلوس ولا لو دخلته فعلا هاانجح فيه انا تايهة والله العظيم الناس اللى اصغر منى سبقتنى وعندها خبرة سنين وانا محلك سر ولسه عاوزة ابدا بمجال تانى وكمان بفكر اخد كورسات بالاتوكاد و3D MAX بس متررده ادفع فلوس كتيروممكن مااكملش والHR كلهم عاوزين خبرة وانا زيرو بجد محتاجة مساعدة لانى حاليا قاعدة بالبيت 

وبجد انا تعبت من كلام الانشاء لما بسال حد يساعدنى انتى لازم تتعبى ولاتتواكلى عل احد وكل ناجح ليه قصة فشل ويعطينى كل القصص الناجحة انا مش نيلسون منديلا ولا الاخ بتاع الفيس بوك ولا بيل جيتس ولا ستيفن جوبز ارجوكم حد يساعدنى بكلام واقعى ومحدد لحالتى انا او ممكن انت اللى تعطينى الفرصة كشغل او تدريب خليك عملى انا هااعمل ايه بالكلام  واسفة على الاطالة

مجرد رأي:

هناك اعمال معينة او تخصصات بتكون صعب جداً النجاح فيها لو لم تكوني تحمل شهادة او رخصة، مثل هندسة الديكور الي حضرتك ذكرتيها في رسالتك او الاتوكاد والي مناسب اكتر لخرجين هندسة او فنون جميلة او تطبيقية.

بالنسبة لشغل المحاسبة فهو حاجة جميلة بس عايزة النفس الطويل، لو بتشتغلي في مكان كويس ممكن تخططي للمسار الوظيفي بتاعك ان تنقلي علي المحاسبة الادارية او التخطيط المالي وده شغله محتلف مهائياً عن المحاسبة التقليدية من تسجيل دفتري وقيود، لكنه بالطبع بيحتاج خلفية محاسبية، وطبعاً بالتأكيد دراسة مثل CMA هيكون ليها الاثر الكبير علي هذا المسار الوظيفي.

بالطبع ايضاً اللغة -الانجليزية تحديداً- تفرق كتير في مكان عملك ومدي كبر الشركة التي تقبل تخصصك.

بالنسية للمسار الوظيفي الخاص ب الموارد البشرية HR ده مجال كويس بس محتاج طبعاً انك تشتغلي في شركة كبيرة وده بيحتاج كورسات في اماكن محترمة وطبعاً لغة قوية.

بالطبع ممكن تشتغلي في الديكور او التصميم الهندسي بس ده هيطلب منك انك تبدأي مشروعك الخاص اسهل ويكون معاكي كشركاء حد مهني مرخص له بالعمل، اولاً علشان مش بإتقانك لبرنامج تقدري تدركي ما يتم دراسته في سنين طويلة وايضاً من الناحية التسويقية والقانونية.

ده موقع معهد المحاسبة الادراية http://www.imanet.org/cma_certification.aspx

والذي يعتمد شهادة CMA

وده احسن شهادة مهنية للمحاسبين الاداريين في العالم ومعترف به تقريباً في كل الشركات متعددة الجنسية

الاجابة هنا مجرد رأي لاني بالطبع لا استطيع تجميع كل المعلومات عن حالتك تحديداً مثل الشركة التي تعملي بها حالياً او مستوي اللغة والكمبيوتر او المهارات الخاصة

كمال سدره

Facebook Comments

POST A COMMENT.